„დირექტერა“ არის პლატფორმა საგანმანათლებლო პროცესის მოქმედი ხელმძღვანელებისთვის და მათი მოადგილეებისთვის, რომლებიც საერთაშორისო გამოცდილების დახმარებით იღვწიან თავისი საგანმანათლებლო დაწესებულების განვითარებისთვის, სურთ საკუთარი კომპეტენციების დახვეწა და დაინტერესებული არიან ექსკლუზიურ ღონისძიებებში გერმანიის და სხვა ქვეყნების განათლებისა და ბიზნეს ექსპერტების  მონაწილეობით.

„დირექტერა“ ერთ ქსელში აერთიანებს  სკოლების ხელმძღვანელობას, პროფესიული სასწავლებლების ხელმძღვანელობას და  განათლების სფეროში გადაწყვეტილების მიმღებ პირებს, აწვდის მათ ინფორმაციას და სიახლეებს და იწვევს საერთაშორისო გაცვლით პროგრამებში. 

„დირექტერაზე“ შეხვდებით თანამოაზრეებს, რომლებთანაც არა მხოლოდ გამოცდილების გაცვლა და პროფესიული კონტაქტების დამყარება, არამედ ერთობლივი პროექტების  შემუშავება და გახორციელებაც შეგიძლიათ.

თანამშრომლობს რა კვალიფიკაციის ამაღლების წამყვან დაწესებულებებთან, „დირექტერა“ გთავაზობთ კვალიფიკაციის ამაღლების ინოვაციური და აქტუალური ვარიანტების ფართო არჩევანს, რომელიც ხელმისაწვდომია მხოლოდ „დირექტერას“ მომხმარებლებისთვის.

„დირექტერას“ შემოთავაზება მოიცავს გოეთეს ინსტიტუტის მიზნობრივ ჯგუფებზე მორგებულ კვალიფიკაციის ამაღლების შესაძლებლობებს, რომლებიც აერთიანებს საგანმანათლებლო დაწესებულების განვითარებისთვის საჭირო თანამედროვე ტრენდებს და საერთაშორისო გამოცდილებას.